فى بداية الفيديو الذى بلغت مدته حوال 18 دقيقة، رد السيسى على طلبات مقدمة بإعطاء سيارة لكل ضابط بالقوات المسلحة، قائلا: "لازم عشان أقدم سيارة ليك كظابط.. لازم أجيب للصف ظابط عشان نبقى منصفين وكلنا زي بعض.. لازم أجيب سيارة لـ160 ألف ضابط وصف ظابط"، مش كله زي بعضه ولا إيه؟ عايزين نبقى كتلة واحدة".

وأضاف "في طلبات بتجيني بتقلقني جدا.. وبحس منها إننا في قطر.. مش في الجيش المصري وفي مصر.. لازم نخلي بالنا من أفكارنا.. إزاي أقدر أجيب 10000 عربية.. ولما نعمل دراسة للموضوع وتتعرض عليكوا العربيات، أرجو إن إنت تاخد عربية على قدك.. أنا لاقيت في الإقصاء اللي عملناه عربية لانسر ليه مش العربية الصغيرة اللي على قدك، حتى تكلفتها متبقاش عليك غالية.. لازم نكون معقولين في خياراتنا واختياراتنا، ميبقاش سقف أمانينا عالي أوي كدة".

ودعا السيسي جنوده للتعامل باحترام وحسن خلق، متابعا: "في قادة كتير أقدم مني وبيعاملوني بكل احترام وتقدير.. أنا معرفش أتعامل مع حد أكبر أو أصغر مني غير بكل تفدير.. ازاي احنا مش عارفين نحترم بعض.. ازاي بنعمل كماين لبعض؟"، مدلللا على ذلك بموقف حدث معه: "كنت رئيس عمليات لواء في السلوم.. وقاعد أعمل شغل على الخريطة، ودخل رئيس أركان اللواء عليا.. وكانت الأستيكة بتاعتي فيها دبوسين وجنبي الضباط اللي بتشتغل معايا.. فقال: مين النتن اللي حاطط الدبوس في الأستيكة؟، مع إن المكتب مكتبي والأستيكة بتاعتي.. ومردتش، فقال تاني: مين النتن، فرديت: أنا يا فندم.. فقال: تبقى إنت ظابط .....، فرديت: شكراً يا أفندم.. ربنا يسامحك".